ملک بھر میں چینی کی قیمتوں میں نہ رکنے والے اضافے کے بعد حکومت نے اہم فیصلہ کرلیا۔
کوئٹہ میں فی کلو چینی کا ریٹ 230 روپے تک پہنچ گیا ہے جب کہ کراچی، لاہور اور پشاور میں کہیں 190 اور کہیں 200 روپے کلو میں چینی دستیاب ہے۔
دوسری جانب وفاقی حکومت نے شوگر سیکٹر کو مکمل ڈی ریگولیٹ کرنے کا فیصلہ کیا ہے جس کے لیے خصوصی کمیٹی کی جانب سے تیار سفارشات وزیراعظم کو پیش کی جائیں گی۔
وفاقی وزیر غذائی تحفظ رانا تنویر کا کہنا ہے کہ مارکیٹ فورس فیصلہ کرے گی کہ چینی درآمد کرنی ہے یا برآمد۔
اس کے علاوہ پنجاب میں 41 میں سے 27 ملوں نے کرشنگ شروع کردی ہے، وہ 14 شوگر ملیں جنہوں نے اب تک کرشنگ شروع نہیں کی ان کے خلاف ایکشن پلان تیار کرلیا گیا ہے اور مانیٹرنگ کے لیے ٹیمیں بھی تشکیل دی گئی ہیں۔
کین کمشنر کے مطابق جو مل کرشنگ شروع نہیں کرتی اس پر 10 لاکھ روپے یومیہ جرمانہ عائد ہوگا۔
Government decided to deregulate the sugar sector
