پشاور: عوانی نیشنل پارٹی کی پہچان اور بلور خاندان سے تعلق رکھنے والی ثمربلور نے (ن) لیگ میں شمولیت کا فیصلہ کرلیا۔
ثمرہارون بلور صوبائی سیکرٹری اطلاعات اور رکن صوبائی اسمبلی رہ چکی ہیں تاہم اب ثمربلور نے مسلم لیگ (ن) میں شمولیت کا فیصلہ کیا ہے۔
اس حوالے سے جیونیوز سے گفتگو کرتے ہوئے ثمر بلور نے کہا کہ آج وزیراعظم شہبازشریف سے ملاقات کرکے (ن) لیگ میں شمولیت کااعلان کروں گی۔
ثمر بلور کا سیاسی پس منظر
ثمربلور اے این پی کے شہید رہنما ہارون بشیر بلور کی بیوہ ہیں، وہ 2018 میں ضمنی انتخاب جیت کر پہلی بار صوبائی اسمبلی کی رکن بنیں۔
ثمر بلور 24 اکتوبر 2018 سے 18 جنوری 2023 تک (تقریباً 4 سال اور 3 مہینے) اسمبلی کی فعال رکن رہیں، جون 2020 میں انہیں خیبر پختونخوا اے این پی کی صوبائی سیکرٹری انفارمیشن مقرر کیا گیا ۔
وہ خیبر پختونخوا اسمبلی کی پہلی خاتون ایم پی اے بنیں جو عوامی نشست سے منتخب ہوئیں، یہ اعزاز پشاور میں 16 سال بعد پہلی بار کسی خاتون کو ملا تھا ۔
Samar Bilour, a key figure of ANP in Peshawar, decides to join PML-N
ANP Samar Bilour decides to join PML-N