سنگاپور کا چانگی ائیر پورٹ، جہاں اب پاسپورٹ دکھانے کی ضرورت نہیں بلکہ تمام تر کام بائیو میٹرکس کے ذریعے ہوتا ہے۔
امیگریشن اینڈ چیک پوائنٹس اتھارٹی (آئی سی اے) کی جانب سے 24 اکتوبر کو جاری بیان میں بتایا گیا کہ 30 ستمبر سے چانگی ائیرپورٹ کے چاروں ٹرمینلز میں پاسپورٹ فری کلیئرنس سسٹم کا مکمل اطلاق ہوچکا ہے۔
30 ستمبر سے وہاں چہرے کو اسکین کرنے کے سسٹم کو استعمال کیا جا رہا ہے جس سے امیگریشن کے عمل کے وقت میں 60 فیصد کمی آئی۔
غیر ملکی مسافروں کو اب بھی وہاں پہنچنے پر پاسپورٹس دکھانے کی ضرورت ہے مگر واپس جاتے ہوئے ایسا کرنے کی ضرورت نہیں بلکہ بائیومیٹرکس ہی کافی ہوگا۔
15 اکتوبر تک 15 لاکھ مسافر پاسپورٹ پیش کیے بغیر امیگریشن کلیئر کرچکے تھے۔
حکام کے مطابق تمام مسافروں کو سنگاپور پہنچنے سے 3 دن قبل SG Arrival Card جمع کرانا ہوگا۔
دنیا کا پہلا ائیرپورٹ جسے جدید ٹیکنالوجی سے پاسپورٹ فری بنا دیا گیا
سنگاپور ائیرپورٹ کو دنیا کے خوبصورت ترین ائیرپورٹس میں شامل کیا جاتا ہے / فوٹو بشکریہ وکی پیڈیا
یہ دنیا کا پہلا ائیرپورٹ ہے جہاں مسافروں کی کلیئرنس کے ایسے نظام کا اطلاق بڑے پیمانے پر کیا گیا ہے۔
اس نئے کلیرنس سسٹم کی آزمائش کافی عرصے سے کی جا رہی تھی اور اگست 2024 میں اس کا ٹرائل شروع ہوا تھا اور اب جاکر اس کا اطلاق کیا گیا ہے۔
Singapore’s Changi Airport, where passports no longer need to be shown, but all work biometrics
Singapore Changi Airport fully biometrics